Nazirlər Kabineti “Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamə”yə əhəmiyyətli dəyişikliklər edib.
Baş nazir Əli Əsədovun imzaladığı yeni qərara görə, nəqliyyat vasitələrinin qeydiyyat şəhadətnaməsindəki məlumatlar Elektron Hökumət İnformasiya Sistemi (EHİS) vasitəsilə təqdim oluna bilər. Bu sistem üzərindən əldə edilən məlumatlar şəhadətnamənin kağız variantı ilə eyni hüquqi qüvvəyə malik olacaq. Bu yenilik rəqəmsal xidmətlərin genişləndirilməsi çərçivəsində həyata keçirilir və vətəndaşların sənəd əldə etmə prosesini sadələşdirərək, bürokratiyanı azaldacaq. EHİS artıq 2025-ci ildə əlavə funksiyalarla təkmilləşdirilib, bu da nəqliyyat vasitələrinin qeydiyyatı ilə bağlı onlayn xidmətlərin əhatə dairəsini genişləndirir.
