Azərbaycanın üç universiteti ilk dəfə dərc olunan Times Higher Education multidissiplinar elmi reytinqinə daxil olub. Reytinq cədvəli 21 noyabrda yayımlanıb.
Bu reytinqdə, ümumilikdə 749 universitet arasında, Bakı Dövlət Universiteti və Azərbaycan Dövlət Neft və Sənaye Universiteti 201-250-ci yerləri, Azərbaycan Texniki Universiteti isə 401-500-cü yerləri tutub. Bu barədə Elm və Təhsil Nazirliyindən Daylinews-az-a məlumat verilib.
Digər tərəfdən, UNEC, Azərbaycan Memarlıq və İnşaat Universiteti, Naxçıvan Dövlət Universiteti, Sumqayıt Dövlət Universiteti, Azərbaycan Tibb Universiteti, Bakı Ali Neft Məktəbi və Xəzər Universiteti isə reytinqdə “müxbir” kimi qeyd olunub.
Times Higher Education multidissiplinar elmlər reytinqi nədir?
Bu reytinq, universitetlərin multidissiplinar elmlərə töhfəsini ölçən ilk cədvəldir. Yəni, müxtəlif elmi sahələr arasında əlaqələri gücləndirmək və birgə elmi araşdırmaları dəstəkləmək üzrə universitetlərin fəaliyyəti bu reytinqdə qiymətləndirilib.
