Tədris ilinin başa çatması və yay mövsümünün başlaması ilə əlaqədar olaraq, Bakı Metropoliteni sərnişin axınının azalmasını nəzərə alaraq qatarların hərəkət qrafikində dəyişiklik edib. Daylinews-az.com xəbər verir ki, bu barədə Bakı Metropoliteni QSC məlumat yayıb.
Yay qrafiki ilə bağlı dəyişikliklər:
- İş günləri:
- “28 May” – “Əhmədli” istiqamətində və əks istiqamətdə, 07:00-10:00 və 17:00-21:00 saatlarında qatarlar arasında interval 2.5 dəqiqə olacaq.
- Gün ərzində digər saatlarda isə qatarlar arasında interval 3 dəqiqə olacaq.
- Şənbə və bazar günləri:
- “28 May” – “Əhmədli” istiqamətində qatarlar 06:00-dan 22:00-a qədər 3 dəqiqəlik intervalla hərəkət edəcək.
- “28 May” – “İçərişəhər” və “28 May” – “Dərnəgül” istiqamətlərində isə interval qeyd edilən vaxtlardan iki dəfə uzun olacaq.
Digər istiqamətlər üzrə dəyişikliklər:
“Bənövşəyi” xət və “Xətai” – “Cəfər Cabbarlı” istiqamətində hərəkət qrafikində dəyişiklik edilməyib. Qrafik dəyişikliyi həmçinin “Bakmil” stansiyası və əks istiqamət üçün də tətbiq edilib. Yeni qrafik, “metro.gov.az” saytında yayımlanıb.
