“Azərenerji” ASC-nin Bakı istilik-elektrik mərkəzində baş verən qısamüddətli nasazlıq səbəbindən, “Azəristiliktəchizat” ASC-nin istilik xətləri ilə təmin edilən Əhmədli qəsəbəsindəki bəzi yaşayış binalarında istilik temperaturu normadan aşağı düşüb.
Daylinews-Az-ın “Azəristiliktəchizat”-a istinadən verdiyi məlumata görə, “Azərenerji” mütəxəssisləri tərəfindən görülən təcili tədbirlər nəticəsində nasazlıq aradan qaldırılıb. Hazırda istilik sistemindəki temperaturun tələb olunan səviyyəyə çatdırılması üçün işlər davam etdirilir.
Qurum, yaranmış narahatlığa görə istehlakçılardan üzr istəyir və tezliklə istilik təchizatının tam bərpa olunacağına söz verir.
