Sərt hava şəraiti ilə əlaqədar olaraq, Bakı və Abşeron rayonunda avtobusların hərəkət qrafiki dəyişdirilib. Azərbaycan Yerüstü Nəqliyyat Agentliyi (AYNA)-nın mətbuat katibi Tural Orucovun verdiyi məlumata görə, avtobuslar bu gün saat 21:30-dək fəaliyyət göstərəcək.
Mətbuat katibi sərnişinlərə səfərlərini planlaşdırarkən bu dəyişikliyi nəzərə almağı tövsiyə edib.
“Xahiş edirik ki, sərnişinlər səfərlərini əvvəlcədən planlaşdırsınlar. Hərəkət iştirakçılarına ehtiyatlı olmağı və xüsusilə sərt hava şəraitində ictimai nəqliyyatdan istifadə etməyi məsləhət görürük,” – məlumatda qeyd olunur.
