Yanvarın 11-də Səudiyyə Ərəbistanının Ciddə şəhərində yerləşən “King Abdullah Sports City” stadionunda mövsümün ən gözlənilən qarşılaşmalarından biri – İspaniya Superkubokunun finalı baş tutub. Əzəli rəqiblər “Barselona” və “Real Madrid”in üz-üzə gəldiyi gərgin mübarizə katalonların 3:2 hesablı qələbəsi ilə yekunlaşıb.
Matçın gedişatı: “Barselona”nın heyətində braziliyalı hücumçu Rafinya dubl edərək matçın qəhrəmanına çevrilib. Digər qolu isə polşalı forvard Robert Levandovski rəqib qapısından keçirib. “Real”ın heyətində Vinisius Junior və Qonsalo Qarsiya fərqlənsələr də, bu, məğlubiyyətdən qaçmaq üçün kifayət etməyib. Oyunun son dəqiqələrində katalonların yarımmüdafiəçisi Frenki de Yonq qırmızı vərəqə alaraq meydanı tərk edib.
İspaniya Superkuboku. Final
- “Barselona” – “Real Madrid” – 3:2
- Qollar: Rafinya (36, 73), Levandovski (45+2) — Vinisius (45+2), Q. Qarsiya (45+6)
- Qırmızı vərəqə: De Yonq (90+1)
