“Barselona” hələ də klubun əfsanəvi futbolçusu Lionel Messi ilə yollarını bir daha birləşdirmək fikrindən əl çəkməyib. Klub rəhbərliyi argentinalı hücumçunun karyerasını məhz yenilənmiş “Kamp Nou” stadionunda bitirməsini istəyir.
Teamtalk-ın məlumatına görə, katalon klubu 37 yaşlı futbolçu ilə 2026-cı il dünya çempionatından dərhal sonra müqavilə imzalamağı planlaşdırır. Planlara əsasən, Messi Barselonaya dönəcək və burada karyerasını başa vuracaq.
Hələ 25 fevralda jurnalist Aleks Kandal, Messi-nin “Barselona”ya qayıtmaq niyyətində olduğunu açıqlamışdı. Xatırladaq ki, məhz o, ilk dəfə argentinalı oyunçunun PSJ-dən “İnter Mayami”yə keçidi barədə xəbər vermişdi.
Messi “Barselona” klubunun yetirməsidir. O, əsas komandada 2003–2021-ci illərdə çıxış edib və bu müddət ərzində 835 oyunda 709 qol vurub. Messi “Barselona” ilə 4 dəfə Çempionlar Liqasını, 8 dəfə “Qızıl top”u, Argentina yığması ilə 2022-ci il dünya çempionluğunu, 2 dəfə Amerika Kubokunu qazanıb.
2021-ci ildə PSJ-yə keçən Messi, 2023-cü ilin yayında karyerasını ABŞ-ın MLS liqasında çıxış edən “İnter Mayami” klubunda davam etdirməyə başlamışdı.
