Belarus Mərkəzi Seçki Komissiyası (MSK) ölkə prezidenti Aleksandr Lukaşenkonun prezident seçkilərində namizədliyini qeydə almaq üçün sənədlərini qəbul edib.
Daylinews-az-ın verdiyi məlumata görə, sənədləri MSK-ya etibarnamə əsasında Belarus Həmkarlar İttifaqları Federasiyasının sədri Yuri Senko təqdim edib.
Növbəti prezident seçkiləri 26 yanvar 2025-ci il tarixində keçiriləcək. Bu qərar oktyabr ayında Belarus Parlamenti tərəfindən qəbul edilib. Seçkilərə hazırlıq çərçivəsində 7 noyabr – 6 dekabr tarixlərində vətəndaşların namizədləri dəstəkləməsi üçün imza toplanmışdır. Namizədliyini irəli sürən şəxslər sənədlərini 21 dekabr 2024-cü il tarixinədək MSK-ya təqdim etməlidirlər.
