Dövlət İmtahan Mərkəzi (DİM) 2024/2025-ci tədris ili üçün 9 illik orta təhsil bazasında orta ixtisas təhsili müəssisələrinin boş qalan plan yerlərinə qəbul müsabiqəsinin nəticələrini elan edib. Bu barədə DİM-dən məlumat verilib.
Daylinews-az.com xəbər verir ki, müsabiqə nəticələrini öyrənmək istəyən abituriyentlər DİM-in rəsmi internet səhifəsinə daxil olaraq və ya mobil operatorlar (“Azercell”, “Bakcell”, “Nar”, “Naxtel”) vasitəsilə “iş nömrəsi”ni “7727” nömrəsinə göndərməklə məlumat əldə edə bilərlər.
Müsabiqədə iştirak etmək üçün ümumilikdə 2 904 abituriyent ərizə təqdim edib. Bu abituriyentlərdən 1 441 nəfəri orta ixtisas təhsili müəssisələrinə qəbul olunub. Qəbul olunan abituriyentlərin siyahısı “Abituriyent” jurnalının xüsusi buraxılışında dərc olunacaq. Jurnalın elektron versiyasını sentyabrın 5-dən etibarən DİM-in saytının “Elektron xidmətlər” bölməsində “DİM nəşrlərinin elektron versiyalarının onlayn satışı” xidməti vasitəsilə əldə etmək mümkündür (Xidmətə keçid: http://eservices.dim.gov.az/ejurnal/).
Orta ixtisas təhsili müəssisələrinin boş qalan yerlərinə qəbul olunan abituriyentlər 10-17 sentyabr tarixləri arasında (saat 18:00-dək) portal.edu.az platformasında qeydiyyatdan keçməlidirlər. Qeydiyyatdan keçmək üçün yaradılmış kabinetə daxil olduqdan sonra “Ali və orta ixtisas təhsili müəssisələrinə təhsilalan qeydiyyatı” xidmətini seçmək tələb olunur. Müəyyən olunmuş müddət ərzində qeydiyyatdan keçməyən abituriyentlər bu addımı atmadıqları təqdirdə, təhsil aldıqları ixtisasa qəbuldan imtina etmiş sayılacaqlar və onların qəbul əmri müvafiq orta ixtisas təhsili müəssisəsinə göndərilməyəcək.
Bu proses abituriyentlərin təhsil almaq hüquqlarından düzgün istifadə etmələrini təmin etmək və onların müvafiq ixtisas üzrə təhsil almasına imkan yaratmaq məqsədini daşıyır. DİM, abituriyentləri bu müddətə ciddi əməl etməyə və qeydiyyat prosesini vaxtında tamamlamaya çağırır.
