xAI şirkəti növbəti irəliləyişə imza ataraq Grok 4 neyroşəbəkəsini təqdim edib – bu süni intellekt modeli GPT-4, Claude Opus 4 və Gemini 2.5 Pro da daxil olmaqla bütün mövcud rəqiblərini geridə qoyub.
Tərtibatçıların sözlərinə görə, bu, bu günə qədər yaradılmış ən qabaqcıl süni intellekt sistemidir və məlumat analizi, proqramlaşdırma və hətta elmi araşdırmalar sahəsində görünməmiş imkanlara malikdir.
Grok 4, əvvəlki versiyaya nisbətən kardinal dəyişikliklərlə təkmilləşdirilib. Model indi yalnız mürəkkəb riyazi məsələləri daha dəqiq həll etmir, həm də yeni fiziki qanunlar yarada bilir, və bu sahədə elmi dərəcəyə malik insanları belə geridə qoyur. Biznes-analitikada insandan altı dəfə effektiv çalışır, idman proqnozlarında isə Polymarket platformasının məlumatlarını yüksək dəqiqliklə analiz edir.
İstifadəçi ilə qarşılıqlı əlaqəyə xüsusi önəm verilib:
Grok 4 artıq brauzer axtarışını, kodla işləməyi və hətta səsli ünsiyyəti dəstəkləyir – pıçıldaya, oxuya, intonasiya dəyişə bilir və ChatGPT-dən daha sürətli reaksiya verir.
“Bəşəriyyətin son imtahanı” adlı testdə — süni intellektin ümumi zəka səviyyəsini ölçən standartda — Grok 4 44,4% tapşırığı yerinə yetirib, bu da onu ümumi süni intellekt (AGI) səviyyəsinə yaxınlaşdırır.
Ekspertlər qeyd edirlər ki, Grok 4-ün meydana çıxması süni intellekt bazarındakı qüvvələr balansını dəyişə bilər. Digər şirkətlər modellərini tədricən təkmilləşdirərkən, xAI kəskin irəliləyiş edib və bazara prinsial fərqli imkanlara malik neyroşəbəkə təqdim edib.
