Londonda keçirilən BAFTA Film Awards mərasimində irlandiyalı aktyor Killian Mörfinin həyat yoldaşı İvonn MakGinneslə birlikdə görünməsi gecənin ən çox müzakirə olunan anlarından birinə çevrilib. Adətən şəxsi həyatını mediadan uzaq saxlayan aktyorun bu dəfə ailəsi ilə tədbirə qatılması diqqət çəkib.
BAFTA-da nadir ailə fotosu
Royal Festival Hall-da təşkil olunan mərasimdə paparassilər Killian Mörfini — Oscar laureatını — həyat yoldaşı ilə yanaşı addımlarkən görüntüləyiblər. Onların birlikdə ictimaiyyət qarşısına çıxması çox nadir hal kimi qiymətləndirilir, çünki Mörfi ailə məkanını mətbuat üçün demək olar ki, əlçatmaz saxlayır.
49 yaşlı aktyor mərasimdə klassik tərzdə — qara iki cərgəli kostyum, ağ köynək və qalstukla çıxış edib. Onun zərif və səssiz elegansını həyat yoldaşı İvonn MakGinnes tamamlayıb. 53 yaşlı rəssam və videoart ustası olan MakGinnes bir çiyinli atlaz kombinezonu, iri sırğaları və qırmızı pomadası ilə gecənin diqqət çəkən simalarından biri olub.
30 illik münasibət və ailə həyatı
Kilian Mörfi şəxsi həyatı barədə danışmağı sevməyən məşhurlardandır. Cütlük təxminən 30 ildir birlikdədir və iki övlad böyüdür: 20 yaşlı Malahi və 18 yaşlı Aran. Onlar çox nadir hallarda ailə şəklində tədbirlərə qatılır və demək olar ki, heç vaxt şəxsi həyatlarına dair detalları paylaşmırlar.
Məhz bu səbəbdən belə çıxışlar həm fanatlar, həm də media üçün xüsusi əhəmiyyət daşıyır. Aktyorun özəl həyatını gizli saxlamağa çalışması onun minlərlə pərəstişkarı tərəfindən də hörmətlə qarşılanır.
