Bu gün Bakıda keçirilən mini-futbol üzrə dünya çempionatında finalçılar müəyyənləşəcək. Azərbaycan millisi tarixi nailiyyətə bir addım qalıb. Daylinews-az.com xəbər verir ki, 1/4 finalda İngiltərəni 2:1 hesabı ilə məğlub edən Azərbaycan yığması yarımfinalda Monteneqro komandası ilə qarşılaşacaq. Görüş bu gün baş tutacaq.
Yarımfinal mərhələsinin digər oyununda Macarıstan millisi Serbiya ilə üz-üzə gələcək. Hər iki komanda turnir boyunca inamlı çıxışları ilə diqqət çəkib.
Yarımfinal oyunları – 30 may
- Azərbaycan – Monteneqro
- Macarıstan – Serbiya
Qeyd edək ki, mini-futbol üzrə dünya çempionatının final və 3-cü yer uğrunda görüşləri 1 iyun tarixində keçiriləcək.
