Dünyaca məşhur “Netflix” platforması idman dünyasının əfsanələri haqqında sənədli filmlər çəkmək ənənəsini davam etdirir. Bu dəfə təqdim olunan film Portuqaliya millisinin və “Əl-Nəsr” klubunun hücumçusu Kriştiano Ronaldonun həyatına və Səudiyyə Ərəbistanındakı karyerasına həsr olunub.
Altı seriyalı film
Altı epizoddan ibarət olan bu sənədli film Ronaldonun yeni ölkədəki həyat tərzini, meydandakı performansını və şəxsi ehtiraslarını tamaşaçılara təqdim edir. Filmin girişində Ronaldo özü belə deyir:
“Onlar deyirlər ki, Ronaldo artıq bitib, burada yalnız pul üçün oynayır, amma mən hələ də ehtiras hissi keçirirəm.”
Yayınlanma tarixi məlum deyil
Hələ ki, filmin rəsmi təqdimat tarixi açıqlanmayıb, lakin azarkeşlər artıq böyük maraqla gözləyirlər.
Ronaldo haqqında qısa məlumat
Qeyd edək ki, 39 yaşlı Kriştiano Ronaldo 2023-cü ilin yanvar ayında “Əl-Nəsr” klubuna transfer olunub. O, cari mövsümdə 15 oyunda 10 qol vurub və 3 məhsuldar ötürmə edib. Bu uğurları ilə Ronaldo karyerasının hələ də yüksək səviyyədə davam etdiyini göstərir.
