Əfsanəvi braziliyalı futbolçu Neymar yalnız “Santos” klubundakı oyunları ilə deyil, şəxsi həyatı ilə də medianın diqqət mərkəzindədir. Daylinews-az-ın məlumatına görə, futbolçu hazırda hamilə olan sevgilisi Bruna Byankardi ilə münasibətlərinin yaxşı olduğunu cəmiyyətə nümayiş etdirməyə çalışır.
Son günlər mətbuatda Neymarın xəyanət etdiyinə dair məlumatlar yayılıb. Xəbərlərdə onun müşayiətçi qadınlarla gecə əyləncəsində göründüyü iddia olunur. Lakin bütün bu söz-söhbətlərə baxmayaraq, Neymar və Bruna birlikdə ictimai tədbirə qatılıb və tədbir zamanı onların səmimi görüntüləri diqqətdən yayınmayıb.
Səudiyyə Ərəbistanının “Əl-Hilal” klubundakı uğursuz dövrdən sonra Braziliyaya qayıdan futbolçu üçün “Santos” yeni başlanğıc olub. Həm meydanda, həm də şəxsi həyatında sabitlik tapmağa çalışan Neymar sevgilisi ilə birlikdə sosial şəbəkələrdə aktiv paylaşımlar edir. O, Brunanı “Bambon” adlandıraraq ona olan sevgisini bir daha nümayiş etdirib.
