Rusiya prezidentinin mətbuat katibi Dmitri Peskov, həyat yoldaşı – Olimpiya çempionu Tatyana Navkanın 50 illik yubileyi münasibətilə ona xüsusi sürpriz edib. Siyasi fiqur həyat yoldaşı ilə birgə buz üzərində rəqs edərək onun üçün unudulmaz anlar yaşadıb.
Tədbir Navkanın “Şoudan daha artıq” adlı buz üzərində hazırladığı tamaşa çərçivəsində baş tutub. Peskov əlində qırmızı güllərdən ibarət buketlə buz meydanına çıxaraq Navkaya təqdim edib və Anna Germanın “A on mne nravitsya” mahnısının müşayiəti ilə birlikdə romantik rəqs nümayiş etdiriblər.
“Səni sevirəm, Navka!”
Peskov buz üzərində duyğulu çıxışı ilə də diqqət çəkib:
“Səni sevirəm, Navka! Sən çox şey etmisən. Uçmağa davam et! Bacarıqlı ol, xoşbəxt ol, sağlam ol! Öz istedadını insanlarla paylaş, mənimlə də bölüş. Mən isə həmişə səssizcə yanında olacağam.”
Rəqs təcrübəsindən sonra zarafatla deyib: “Onlar necə fırlanır, başım hərlənir!”. Navka isə həyat yoldaşının bu cəhdinə minnətdarlıqla reaksiya verib: “Möcüzə yaratdı! Çox sağ ol!”.
