Rus estradasının Primadonnası Alla Puqaçovanın Moskvaətrafı Malıye Berejki kəndində, İstra çayı sahilində yerləşən məşhur malikanəsi dağıdılmaq təhlükəsi ilə üz-üzədir.
Daylinews-Az xəbər verir ki, bu barədə tanınmış əmlak eksperti Viktoriya Markova kp.ru-ya verdiyi müsahibədə danışıb. Onun sözlərinə görə, villanın 152 milyon rubla satışa çıxarılmasına baxmayaraq, potensial alıcılar ciddi risklərdən çəkinirlər.
Malikanə ilə bağlı əsas narahatlıqlar:
- Tikintidə ciddi qanun pozuntuları var – ev su mühafizə zonasına çox yaxın yerləşib.
- Puqaçova yaşayarkən ona olan hörmət səbəbilə bu faktlara göz yumulurdu. Lakin indi vəziyyət dəyişib.
- Ev köhnəlib, ciddi təmirə və kommunal yenilənməyə ehtiyac var.
- Ərazi təhlükəsiz deyil – nə mühafizə sistemi, nə də ümumi kanalizasiya mövcuddur.
- Real bazar dəyəri təxminən iki dəfə aşağıdır – yəni 152 milyon rubla deyil, maksimum 70-80 milyon rubla dəyər.
Markovanın fikrincə, bu kimi amillər varlı alıcıların marağını azaldır və satışın reallaşmasını çətinləşdirir.
Xatırladaq ki, Alla Puqaçova və həyat yoldaşı Maksim Qalkin 2022-ci ilin yazında Rusiya-Ukrayna müharibəsinin başlanmasından sonra ölkəni tərk ediblər. Onlar hazırda xaricdə yaşayırlar. Puqaçovanın digər villası olan Qryaz kəndindəki malikanə isə 1 milyard rubl qiymətinə satışa çıxarılıb.
