30 mart tarixində Azərbaycandakı bütün məscidlərdə Ramazan bayramı münasibətilə bayram namazı qılınacaq. Bu barədə məlumatı Qafqaz Müsəlmanları İdarəsi (QMİ) yayıb.
QMİ-nin açıqlamasına görə, Bakıda Əjdərbəy məscidində bayram namazı saat 08:00-da, Təzəpir məscidində isə saat 09:00-da başlayacaq. Digər bölgələrdə də bayram namazı yerli vaxtla səhər saatlarında təşkil olunacaq.
Qeyd edək ki, bayram namazı Ramazan ayının sona çatdığını və müqəddəs ayın təntənəli şəkildə yekunlaşdığını bildirən ənənəvi dini mərasimdir. İslam aləmində böyük əhəmiyyətə malik olan bu gün müsəlmanlar tərəfindən birlik, mərhəmət və paylaşma dəyərlərinin vurğulandığı xüsusi gün kimi qeyd olunur.
