Məşhur rusiyalı müğənni Stas Pyexa nənəsi, SSRİ xalq artisti Edita Pyexanın səhhəti ilə bağlı yayılan məlumatlara münasibət bildirib. O, sosial şəbəkələrdə yayılan demensiya iddialarını təkzib edib.
“Heç bir xəbərim yoxdur, özüm tez-tez əlaqə saxlayıram”
Gazeta-ya danışan Stas Pyexa nənəsinin guya demensiyaya tutulması ilə bağlı xəbərlərin yalan olduğunu bildirib:
“Bu gün mənə Edita haqqında nələrsə soruşurlar – tamamilə mənasız şeylər. Bu informasiya hardan çıxıb? Heç nədən xəbərim yoxdur. Mən onunla daim əlaqədəyəm”.
Mash kanalının iddiaları və onların təkzibi
Aprelin 24-də Telegram platformasında fəaliyyət göstərən Mash kanalı 87 yaşlı Edita Pyexanın həkim müayinəsindən sonra demensiya və hipertoniyadan əziyyət çəkdiyini yazmışdı. Məlumatda bildirilirdi ki, sağlamlıq problemləri son zamanlar müğənninin kəskin şəkildə çəki alması fonunda yaranıb.
Lakin bu iddialar daha sonra Edita Pyexanın köməkçisi İrina tərəfindən də təkzib edilib. Onun sözlərinə görə, sənətkarın vəziyyəti sabitdir və narahatlıq doğuracaq hal yoxdur: “Edita xanımın vəziyyəti normaldır, hər şey nəzarət altındadır”.
Edita Pyexanın həyatı və yaradıcılığı
Media məlumatlarına əsasən, Edita Pyexa Rusiya Federasiyasının Sankt-Peterburq yaxınlığındakı Şimal Samarka kəndində yaşayır. O, evində tək qalsa da, yanında daim qulluqçu personal mövcuddur.
Qeyd edək ki, Edita Pyexanın repertuarında 500-dən çox mahnı yer alır. Onun ən məşhur ifaları arasında “Manjerok” və “Uşaqlıq şəhəri” kimi hitlər var. 1988-ci ildə isə o, SSRİ xalq artisti fəxri adına layiq görülüb.
