Oskar mükafatlı britaniyalı rejissor Səm Mendes musiqi tarixinin ən məşhur qruplarından biri olan The Beatles haqqında dörd hissəli bioqrafik film çəkməyə hazırlaşır. Layihənin premyerası 2028-ci ilin aprelində gözlənilir.
Əsas rollar artıq təsdiqlənib
Variety nəşrinin yazdığına görə, Las Veqasda keçirilən CinemaCon tədbirində rejissor özü aktyor heyətini təqdim edib. The Beatles üzvlərini canlandıracaq aktyorlar bunlardır:
- Pol Makkartni – Pol Meskal (Gladiator 2, Normal People, Düşmən)
- Con Lennon – Harris Dikinson (Triangle of Sadness, Good Bad Girl)
- Corc Harrison – Cozef Kuinn (Stranger Things, Gladiator 2, A Quiet Place: Day One)
- Rinqo Starr – Berri Kioqan (The Banshees of Inisherin, Saltburn, Batman)
Təqdimatda aktyorlar Sgt. Pepper’s Lonely Hearts Club Band mahnısının sözlərini oxuyaraq Beatles stilində səhnəyə təzim ediblər.
Dörd fərdi film – bir kollektivin tarixi
Layihənin unikallığı ondan ibarətdir ki, hər bir film The Beatles üzvlərindən birinin həyat və yaradıcılıq yolunu ayrıca təsvir edəcək. Filmlərin eyni anda, ya da bir-bir həftəlik fasilələrlə nümayiş etdiriləcəyi hələ dəqiq deyil.
Əfsanəvi mahnılara rəsmi icazə
Səm Mendes layihə üçün Strawberry Fields Forever, Let It Be, Yellow Submarine, I Am the Walrus və başqa kult mahnıların istifadəsi hüququnu artıq əldə edib. Bu, filmlərin səs və emosional atmosferini daha da möhkəmləndirəcək.
Səm Mendesin kino karyerası
Rejissorun karyerası American Beauty (beş Oskar), 1917 (Oskar namizədi), eləcə də iki James Bond filmi (Skyfall və Spectre) ilə seçilir. Onun yeni layihəsi musiqi və kino tarixində xüsusi yer tutmağa iddialıdır.
