Bakıda Türkiyənin tanınmış “Konyaspor” futbol klubunun məktəbi rəsmi açılışını edib. Bu futbol məktəbinin əsas məqsədi istedadlı Azərbaycan uşaqlarına Türkiyədə yüksək səviyyədə futbol təhsili almaq və çıxış etmək imkanı yaratmaqdır. Eyni zamanda, layihə ölkədə uşaq futbolunun inkişafına dəstək verməyi hədəfləyir.
Açılış mərasiminə “Konyaspor” klubunun futbol koordinatoru Səlçuk Buğdaycı, Türkiyə İdman Elmləri Dərnəyinin sədri Fikrət Soyer və Azərbaycanın aparıcı futbol klublarından olan “Qarabağ”ın direktoru Əmrah Çəlikəl qatılıb. Onlar birgə görüşdə məktəbin fəaliyyət istiqamətləri və gələcək əməkdaşlıq imkanları barədə dəyərli müzakirələr aparıblar.
Bu addım həm gənclərin beynəlxalq səviyyədə futbol təcrübəsi qazanmasına, həm də Azərbaycan futbolda yeni istedadların formalaşmasına şərait yaradacaq. Layihə çərçivəsində seçilən futbolçular həm yerli, həm də Türkiyədə futbol sahəsində təhsil və idman karyerasını davam etdirmək fürsəti əldə edəcək.
Futbol məktəbinin fəaliyyəti Azərbaycan və Türkiyə arasındakı idman əlaqələrinin daha da möhkəmlənməsinə töhfə verməsi ilə yanaşı, gənc nəsilin sağlam həyat tərzi və idmana marağının artırılması baxımından da önəm daşıyır.
