İqtisadi Əməkdaşlıq Təşkilatının (İƏT) XVII sammiti bu il Xankəndi şəhərində baş tutacaq. Bu barədə Azərbaycanın Xarici İşlər Nazirliyinin İqtisadi əməkdaşlıq idarə rəis müavini Rövşən Mirzəyev məlumat verib.
“Azərbaycan və İƏT: imkanlar və perspektivlər” mövzusunda keçirilən panel müzakirəsində çıxış edən Rövşən Mirzəyev bildirib ki, sammitin əsas müzakirə mövzuları davamlı inkişaf və iqlimə dayanıqlı iqtisadi əməkdaşlıq olacaq.
Bu hadisə, Xankəndinin beynəlxalq səviyyəli tədbirlərə ev sahibliyi etməsi baxımından tarixi əhəmiyyət daşıyır və Azərbaycanın regionda inkişaf və sülhə töhfə verməyə davam etdiyini nümayiş etdirir.
