Bu gün Səudiyyə Ərəbistanının Ər-Riyad şəhərində təşkil olunan VI İslam Həmrəyliyi Oyunlarında Azərbaycanın yunan-Roma güləşi üzrə komandası start götürəcək. İlk yarış günündə xalça üzərinə çıxacaq idmançılar arasında Nihat Məmmədli (60 kq), Həsrət Cəfərov (67 kq), Ülvü Qənizadə (77 kq) və İslam Abbasov (87 kq) yer alır. Atletlərimiz qızıl medal uğrunda ciddi mübarizəyə hazırdırlar.
Bununla yanaşı, 3×3 basketbol üzrə milli komandamız qrup mərhələsinin üçüncü görüşündə Fildişi Sahili kollektivi ilə qarşılaşacaq. Paraatletika yarışlarında Samir Nəbiyev (F57) disk atma üzrə, atletlərdən Nazim Babayev və Rüstəm Məmmədov üçtəkanla tullanma, Lamiyə Vəliyeva 100 metr qaçış, Əlhəm Nağıyev 200 metr qaçış və İsmayıl Əliyev nüvə atma üzrə güclərini sınayacaqlar.
Qılıncoynatma üzrə isə şpaqa növündə Azərbaycanın təmsilçiləri Aynur Quliyeva və Nəzrin Mehdiyeva yarışacaqlar. Qeyd edək ki, İslam Həmrəyliyi Oyunları noyabrın 21-də başa çatacaq. Hal-hazırda Azərbaycan komandası 45 medalla (5 qızıl, 14 gümüş, 26 bürünc) 9-cu yerdə qərarlaşıb.
