2024-cü ildə Azərbaycanda orta aylıq əmək haqqı 1 009 manat təşkil edib. Daylinews-az Dövlət Statistika Komitəsinə istinadən xəbər verir ki, Azərbaycanın rayon və şəhərləri arasında ən yüksək maaş Xankəndi şəhərində qeydə alınıb.
2025-ci ilin yanvar ayının əvvəlinə olan məlumata görə, Xankəndidə muzdla çalışan işçilərin orta aylıq nominal əmək haqqı 1 627 manat olub.
Bakı şəhərində isə bu göstərici 1 269 manat təşkil edib.
Xankəndi və Bakı ilə yanaşı, ölkədə orta aylıq əmək haqqı 1 000 manatı keçən yeganə rayon Daşkəsən olub. Burada əmək haqqı təxminən 1 146 manatdır və rayon bu göstəriciyə görə ilk üçlükdədir.
Digər bölgələrdə orta aylıq maaş belədir:
- Ağdərə rayonu: 939 manat
- Şuşa rayonu: 907 manat
- Zəngilan rayonu: 911 manat
Şuşa və Zəngilan rayonlarından sonra 6 rayonda orta maaş 800 manatı keçib. Lakin Balakən rayonunda orta aylıq əmək haqqı cəmi 572 manat olub. Ən aşağı maaş isə Qax rayonunda qeydə alınıb. Burada muzdla işləyənlərin orta aylıq nominal əmək haqqı 539 manat təşkil edib.
