2025-ci il iyunun 1-də Azərbaycan mini-futbol tarixinin ən unudulmaz hadisəsi baş verdi – milli komandamız ilk dəfə dünya çempionu oldu. Qlobal brend 1xBet isə Azərbaycanın evdə keçirilən mundialdakı çıxışından bəhs edir.
Kim, harada, nə zaman:
21 may – 1 iyun tarixlərində Bakı Dünya Mini-futbol Federasiyasının (World Mini-football Federation) himayəsi altında keçirilən 5-ci dünya çempionatına ev sahibliyi etdi. Turnirin bütün oyunları 9 000-dən çox tamaşaçı tutumuna malik, müasir standartlara cavab verən Milli Gimnastika Arenasında baş tutdu.
Yarışda 32 komanda iştirak etdi və onlar 8 qrupa bölündü. 2025-ci il mini-futbol üzrə dünya çempionatının formatı 1998–2022-ci illər arasında keçirilən FIFA Dünya Kuboklarının formatından fərqlənmirdi. Qrup mərhələsinin nəticələrinə əsasən, ən yaxşı 16 komanda 1/8 finala yüksəldi, ardınca isə 1/4 final, yarımfinal, 3-cü yer uğrunda oyun və final qarşılaşması keçirildi.
Azərbaycan: zirvəyə gedən yol
Gələcək dünya çempionları start turunda sensasiyalı şəkildə Bahreyn ilə heç-heçə etdilər (1:1), ardınca isə Sloveniya (4:0) və Mavritaniya (2:0) üzərində ardıcıl qələbələr qazandılar. 7 xal toplayan meydan sahibləri qrupdan birinci yer olaraq pley-off mərhələsinə vəsiqə qazandılar.
1/8 finalda Azərbaycan mövcud dünya çempionu olan Rumıniya ilə qarşılaşdı və əsas vaxtda 1:1 hesablı bərabərlikdən sonra penalti seriyasında qələbə qazandı. 1/4 finalda komandamız İngiltərəni 2:1 hesabı ilə məğlub etdi, yarımfinalda isə eyni hesabla Çernoqoriyaya qalib gəldi.
Həlledici qarşılaşmada Azərbaycan milli komandası Macarıstan yığması ilə üz-üzə gəldi. Əvvəlki dünya çempionatında bu iki komanda üçüncü yer uğrunda oyunda qarşılaşmış və həmin görüşdə macarlar 3:1 hesabı ilə qalib gəlmişdi.
Bakılı azarkeşlər National Gymnastics Arena tribunalarını tamamilə dolduraraq sevimli komandalarını coşqu ilə dəstəkləyirdilər. Final matçının artıq 11-ci dəqiqəsində meydan sahibləri rahat üstünlük qazandılar (3:0). Belə başlanğıcdan sonra 1xBet Azərbaycan müştərilərinin yerli idmançıların qələbəsinə şübhəsi qalmadı. Oyunun qalan hissəsində rəqib fərqi yalnız iki topa qədər azalda bildi. Elşad Quliyevin yetirmələri iki il əvvəlki məğlubiyyətin əvəzini inamlı şəkildə çıxdılar (4:2) və qızıl medallara tam haqqla sahib oldular. Final fitindən sonra azarkeşlər gecə saatlarınadək komandalarının tarixi qələbəsini böyük coşqu ilə qeyd etdilər.
Yeni minifutbol üzrə dünya çempionlarını təqdim edirik:
Qapıçılar – Vəli Qafarov və Ağasəid Qasımov
Meydanda oynayan futbolçular – Musəyib Vəliyev, Ramiz Çovdarov, Elvin Əlizadə (kapitan), Samir Həmzəyev, Taleh Babayev, Mirmehdi Rzayev, Kamran Qurbatov, Vüsal İsayev, Təmkin Xəlilzadə, Məhəmməd Xəlilov, Rəvan Kərimov, Xətai Bağırov, Kamran Abdullazadə, Mirkamil Əliyev və Eşqin Tağıyev.
2 iyun tarixində 2025-ci ilin mini-futbol üzrə dünya çempionatının qəhrəmanları Azərbaycan Prezidenti İlham Əliyev və Dünya Mini-futbol Federasiyasının (WMF) prezidenti Filip Cuda ilə görüşdülər. WMF rəhbəri yarışların yüksək səviyyədə təşkili üçün ev sahibliyi edən tərəfə təşəkkürünü bildirdi və Azərbaycan Minifutbol Federasiyasının fəaliyyətini yüksək qiymətləndirdi.
