Türkiyənin tanınmış aktrisası Beren Saat uzun müddətdir hazırladığı yeni layihəsini nəhayət ki, ictimaiyyətə təqdim edib. Ulduz sənətçi bu dəfə tamaşaçılarını ekran deyil, musiqi səhnəsi ilə təəccübləndirib və rəsmi şəkildə müğənni kimi fəaliyyətə başladığını açıqlayıb.
Məlumata görə, Beren musiqi sahəsinə öz adı ilə – “Beren” kimi daxil olub və “CapitaliZoo” adlı ilk klipini təqdim edib. Yeni mahnı və vizual təqdimat aktrisanın sənət həyatında yeni mərhələnin başladığını göstərir.
İllərdir filmlər və seriallarda böyük populyarlıq qazanan sənətçi musiqi fəaliyyətinə xüsusi həvəs və məsuliyyətlə yanaşdığını bildirib.
Onun bu layihəsində ən böyük dəstəyi həyat yoldaşı, məşhur musiqiçi Kenan Doğulu göstərir. Doğulunun musiqi istehsalında iştirakı Berenin ilk layihəsinin peşəkar səviyyədə hazırlanmasına kömək edib.
Sosial şəbəkələrdə böyük maraq
Aktrisanın təqdim etdiyi ilk klip qısa zamanda sosial mediada geniş müzakirələrə səbəb olub.
Onun fərqli obrazları, qeyri-adi geyim seçimi və modern tərzdə təqdimatı istifadəçilərin diqqətini çəkib. Bir çox izləyici Berenin yeni sahədəki cəsarətli addımını alqışlayıb və klipin yüksək keyfiyyətini xüsusi vurğulayıb.
Sənətçinin musiqi karyerasını davam etdirib-etdirməyəcəyi hələ açıqlanmayıb, lakin “CapitaliZoo”nun uğur qazanacağı şübhəsiz görünür.
