Kriptovalyuta bazarında aparılan son əməliyyatlarda bitkoinin dəyəri 90 000 ABŞ dollarını ötərək martın 7-dən bəri ən yüksək həddinə çatıb. Bu barədə məlumatı Daylinews-Az.com “Binance” platformasına istinadən yayıb.
Bakı vaxtı ilə saat 17:41-də bitkoin 2.98% artaraq 90 092 dollar səviyyəsinə yüksəlib. Lakin 17:56-da dinamika bir qədər zəifləyib və kriptovalyuta 89 977 dollar səviyyəsində sabitləşib (+2.85%).
Qeyd edək ki, bitkoin — blokçeyn texnologiyasına əsaslanan və mərkəzsizləşdirilmiş sistem üzərində fəaliyyət göstərən rəqəmsal valyutadır. Onun istehsalı (emissiyası) yalnız yeni blokların yaradılması ilə mümkündür və bu prosesdə istənilən istifadəçi iştirak edə bilər. Eyni zamanda bitkoinin sayında təbii məhdudiyyət mövcuddur və artıq onun böyük bir hissəsi “mədənçiliyi” edilmişdir.
