Böyük Britaniya hökuməti seçki sistemində aparılan islahatlar çərçivəsində 16 və 17 yaşlı yeniyetmələrin səsvermədə iştirak etməsinə icazə verməyi qərara alıb. Bu barədə cümə axşamı Britaniya mediası məlumat yayıb.
Hökumət bu addımın “dünyanı dəyişmək prosesinə demokratik cəlbediciliyi gücləndirəcəyini və Böyük Britaniyada demokratiyaya olan inamı bərpa etməyə kömək edəcəyini” bildirib.
İndiyədək ölkə üzrə minimum səsvermə yaşı 18 idi. Lakin Şotlandiya və Uelsdə seçkilərdə iştirak etmək üçün minimum yaş 16 idi. Qeyd edək ki, 1969-cu ilə qədər Böyük Britaniyada yalnız 21 yaşdan yuxarı şəxslər səs verə bilərdi.
Bundan əlavə, islahat çərçivəsində hökumət britaniyalıların şəxsiyyətini təsdiq edə biləcəyi sənədlərin siyahısını da genişləndirib. Siyahıya, xüsusilə, bank kartları və veteran vəsiqələri də daxil edilib.
Növbəti parlament seçkiləri Böyük Britaniyada 2029-cu ilə planlaşdırılıb.
