2024/25 mövsümü başa çatdı və nəticələrə əsasən bir sıra klublar növbəti mövsüm Çempionlar Liqasının əsas mərhələsinə vəsiqə qazandılar. Artıq 36 iştirakçıdan 29-unun adı bəllidir.
Londonun “Tottenhem” klubu Avroliqanın finalında “Mançester Yunayted”i məğlub edərək ÇL-2025/26-ın əsas mərhələsinə çıxış hüququ əldə edib.
Qeyd edək ki, 29 komanda avtomatik olaraq əsas raunda qatılıb, daha yeddi vəsiqə isə təsnifat mərhələsində sahibini tapacaq.
Əsas mərhələnin iştirakçıları
İngiltərə: Tottenhem, Liverpul, Arsenal, Mançester Siti, Nyukasl, Çelsi
İtaliya: Napoli, İnter, Atalanta, Yuventus
İspaniya: Barselona, Real Madrid, Atletiko Madrid, Atletik Bilbao, Villarreal
Almaniya: Bavariya, Bayer, Ayntraxt, Borussiya Dortmund
Fransa: PSJ, Marsel, Monako
Niderland: PSV, Ayaks
Portuqaliya: Sportinq
Türkiyə: Qalatasaray
Çexiya: Slaviya
Yunanıstan: Olimpiakos
Belçika: Union Sen-Jilluaz
Turnirin formatı
Yeni formatda olduğu kimi, əsas mərhələdə 36 komanda iştirak edəcək. Hər klub səkkiz oyun keçirəcək – dördü evdə, dördü səfərdə.
Əsas mərhələnin püşkatması 28 avqustda, Bakı vaxtı ilə 20:00-da keçiriləcək. İlk 8 yeri tutan komandalar birbaşa 1/8 finala çıxacaq, 9–24-cü yerlərdəki klublar isə pley-off matçlarında mübarizə aparacaqlar. Digər komandalar isə avrokuboklarla vidalaşacaq.
