Cərimə meydançalarında illərlə sahiblərini gözləyən avtomobillər çoxluq təşkil edir. Bu nəqliyyat vasitələri yol hərəkəti qaydalarını pozma və ya hüquqi problemlər səbəbindən Yol Polisi tərəfindən saxlanılaraq müvəqqəti duracaqlara yerləşdirilir. Bəzi sürücülər maşınlarını geri almamaqla vəziyyətdən sui-istifadə edir.
Uzunmüddətli saxlama və tariflər
Nəqliyyat üzrə mütəxəssis Elməddin Muradlı qeyd edib ki, xarici ölkələrdə müəyyən müddət sonra avtomobil dövlət mülkiyyətinə keçirilir, lakin Azərbaycanda prosedur fərqlidir: “Sürücü sənədləri düzəldib maşını götürə bilər və ya imtina ərizəsi verərək aidiyyəti qurumlara ötürə bilər”. Tarif Şurasının 2006-cı il qərarına görə gündəlik saxlama haqqı belədir:
- 3,5 tona qədər: 1 manat/gün
- 3,5-10 ton: 2 manat/gün
- 10 tondan yuxarı: 3 manat/gün
Baş Dövlət Yol Polisi İdarəsinin baş inspektoru Elvin Hacıyev vurğulayıb: “Sürücülərlə əlaqə saxlanılır, məktublar göndərilir, lakin bəzi şəxslər laqeyd davranır. Maqsad köhnə, ekoloji normlara uyğun gəlməyən və təhlükəli maşınları utilizasiya etməklə yol təhlükəsizliyini və ətraf mühiti qorumaqdır”.
Hüquqi proses və praktika
Qanunvericiliyə görə maşın sahibsiz qalsa, rəsmi ərizə ilə qeydiyyatdan silinərək detallar satılır və ya emal edilir.
Bakıda 11-12 duracaqda minlərlə köhnə “Zaporojec” kimi avtomobil illərlə qalır. Sürücülər evakuator xərci (20 manat) və cəriməni ödəməklə maşını qaytarımalıdırlar. 2026-da yeni qanun layihəsi ilə saxlama haqqı təxliyyədən sonra başlayacaq.
