Bu axşam Azərbaycan milli futbol komandası DÇ-2026-nın seçmə mərhələsində növbəti ciddi imtahan qarşısına çıxır. Ayxan Abbasovun başçılıq etdiyi kollektiv Polşanın Krakov şəhərində Ukrayna yığması ilə üz-üzə gələcək. Həlledici qarşılaşma Bakı vaxtı ilə saat 22:45-də start götürəcək və oyunu avstriyalı referi Sebastyan Qishamer idarə edəcək.
D qrupunda rəqabət olduqca gərgindir. Hazırda Fransa 9 xalla liderliyi qoruyur. Ukrayna dörd xalla ikinci, İslandiya üç xalla üçüncü, Azərbaycan isə bir xalla dördüncü yerdədir. Komandamız bu görüşdən müsbət nəticə ilə ayrılarsa, həm psixoloji üstünlük qazanacaq, həm də qrupdakı mövqeyini yaxşılaşdırmaq üçün real imkan əldə edəcək.
Seçmə mərhələnin taleyində bu qarşılaşmanın mərhələ üçün önəmi böyükdür. Milli komandamız azarkeşlərin dəstəyilə qələbə üçün meydanda bütün gücünü səfərbər edəcək.
