Uelsə səfəri zamanı Kembric hersoginyası Ketrin Middlton kral ailəsinin protokolunu pozaraq 3 yaşlı qızla görüşmək üçün avtomobilindən düşüb.
Daylinews-Az-ın Mirror qəzetinə istinadən verdiyi məlumata görə, Ketrin Middlton trikotaj fabrikinə səfərindən sonra evə qayıtmağa hazırlaşarkən avtomobilində qısa fasilə verib. Lakin bu anda balaca bir qızın ona banan uzatdığını görərək avtomobildən enib və onunla söhbət edib.
Kral ailəsi üzvlərinin rəsmi səfərlərdə avtomobillərini tərk etməməsi və gözlənilməz addımlar atmaması protokola zidd olsa da, Ketrin Middlton bu qaydanı pozaraq qızcığazla ünsiyyət qurub. O, uşağa yaxınlaşaraq “Sən mənə “salam” dedin və mən səni görmək istədim” deyib.
Bu jest hersoginyanın səmimi və mehriban davranış tərzini bir daha nümayiş etdirib.
