2 sentyabr 2025-ci ildə Kianu Çarls Rivz 61 yaşını qeyd edir. Hollivudda insaniyyətin simvoluna çevrilmiş aktyor dərinliyi, təvazökarlığı və seçdiyi rollardakı prinsipiallığı ilə hələ də heyrətləndirir.
Daylinews-az.com aktyorun uşaqlıq illəri, şəxsi həyatı və yaradıcılıq irsi barədə maraqlı faktları təqdim edir.
Uşaqlıq və gənclik: dəyişikliklərlə dolu yol
- Rivz 1964-cü ildə Livanın paytaxtı Beyrutda doğulub.
- Anası – britaniyalı Patrisia Bond, əyləncə sənayesində işləyib.
- Atası – havay köklü amerikalı Semyuel Rivz, geoloq idi.
- Onun qanında ingilis, portuqal və çinli qarışığı var. “Kianu” havay dilində “dağların üzərindəki sərin külək” deməkdir.
- 3 yaşında valideynləri ayrıldıqdan sonra anası və bacısı Kimlə birlikdə çox ölkələrdə yaşayıb: Sidney, Nyu-York, Toronto.
- Ögey atası, rejissor Pol Aaron ilk kino müəllimi olub. Rivz onun filmlərində köməkçi kimi işləyib.
- 4 məktəbdə oxuyub, amma attestat almadan tərk edib. Əvvəl hokkeyçi olmaq istəyib və qapıçı kimi oynayıb.
- 15 yaşında “Romeo və Cülyetta” tamaşasında Merkurio rolunu ifa edib – onun ilk böyük səhnə təcrübəsi.
İlk rollar: reklamlardan irəliləyişə
- Karyerası seriallar və reklamlardan başlayıb.
- İlk böyük film – “Gənc qan” (1986), ardınca tənqidçilərin diqqətini çəkən “Çayın sahilində”.
- 80-ci illərin sonlarında gənclik filmlərində parladı: “Əbədi mahnı”, “Bill və Tedin inanılmaz macəraları”, eləcə də “Təhlükəli əlaqələr”.
Yaradıcılıq irsi: Neodan Con Uikə
- Neo – “Matrisa” (1999–2003, 2021)
Həqiqəti kəşf edən haker Tomas Anderson obrazı Rivzi azadlıq uğrunda mübarizənin simvoluna çevirdi.
- Con Uik – “John Wick” (2014–2023)
Arvadını və itini itirdikdən sonra cinayət dünyasına qayıdan keçmiş killer. Bu franşiza müasir dövrün ən güclü döyüş filmlərindən biridir. - Con Konstantin – “Konstantin: Qaranlıq hökmdar” (2005)
Sərt ekzosist obrazında mistika, sarkazm və daxili mübarizəni birləşdirdi. - Cek Treven – “Sürət” (1994)
Dayanmayan avtobusu xilas edən polis zabiti. 90-cı illərin ən dinamik aksion filmlərindən biridir.
- Kevin Lomaks – “Şeytanın vəkili” (1997)
Mürəkkəb mənəvi seçim qarşısında qalan hüquqşünas. Rivzin ən güclü dramatik rollarındandır. - Ted – “Bill və Tedin inanılmaz macəraları” (1989, 1991, 2020)
Yüngül və əyləncəli rol Rivzin ilk populyarlıq dalğasını gətirdi.
Şəxsi həyat: itkilər və dərinlik
- 1999-cu ildə qızı Ava ölü doğuldu. Bir neçə aydan sonra sevgilisi Cenni Saim avtomobil qəzasında həlak oldu.
- Uzun illər tək yaşadı və ictimaiyyətdən uzaq qaldı.
- Hazırda rəssam Aleksandra Qrant ilə münasibətdədir. Onların münasibəti sakit, açıq və Hollivud parıltısından uzaqdır.
