Yay mövsümünün yaxınlaşması ilə adətən bazarlarda meyvə-tərəvəzin qiymətində eniş müşahidə olunur. Lakin albalının qiyməti sabit şəkildə yüksək səviyyədə qalır.
Daylinews-az.com xəbər verir ki, hazırda ölkənin müxtəlif bölgələrində albalının 1 kiloqramı 6–10 manat arasında dəyişir. Satıcılar qiymət artımının əsas səbəbi kimi hava şəraitinin qeyri-sabitliyini göstərirlər.
Fermerlər: məhsulun cəmi 10 faizi qorunub
Fermerlərin sözlərinə görə, bu il albalı bağlarında gözlənilən məhsulun cəmi 10%-i yığılacaq səviyyədə qalır. Qalan məhsul ya çürüyüb, ya da hava dəyişikliklərinə görə keyfiyyətsiz hala düşüb.
“Meyvələr ağacın üzərində ikən çürüyür. Bu səbəbdən nə yığmaq, nə də satmaq mümkündür”, – deyə fermerlər bildirirlər.
Beləliklə, məhsul qıtlığı fonunda bazarda təklif kəskin şəkildə azalıb və bu da qiymətlərin yüksək səviyyədə qalmasına səbəb olub.
