Milli çempionatların yüksək liqalarında 2024-cü ilin ən yaxşı bombardirləri siyahısı açıqlanıb.
Daylinews-az.com məlumatına görə, İFFHS ilin ilk 10 ayı ərzində ən çox qol vuran oyunçuları müəyyən edib. Siyahıya ən azı 20 qol vurmuş futbolçular daxil edilib və liderlik Perunun “Sportinq Kristal” klubunun oyunçusu, 33 qolla Martin Kauteruççiyə məxsusdur.
Çinin “Şanxay Port” klubunda çıxış edən Vu Ley isə 32 qol ilə ikinci yerdədir. Avropanın ən çox qol vuran oyunçusu isə Portuqaliyanın “Sportinq” klubundan isveçli hücumçu Viktor Qyokereşdir. O, mövsüm ərzində 30 qola imza ataraq üçüncü yeri tutub.
Ərəbistanın “Əl-Nəsr” klubunda çıxış edən Kriştiano Ronaldo 21 qolla siyahıda 17-ci pillədədir, Lionel Messi isə ABŞ-ın “İnter Mayami” klubunda 20 qol vuraraq 29-cu sırada qərarlaşıb.
Qeyd edək ki, cədvəldə ümumilikdə 35 futbolçu yer alıb.
