Ermənistan parlament sədri Alen Simonyan Rusiyanın RT telekanalının baş redaktoru Marqarita Simonyanı kəskin şəkildə qınayıb.
Daylinews-az.com-un məlumatına görə, erməni spiker öz “Telegram” kanalında dərc etdiyi yazıda Rusiya hakimiyyətinin təbliğatını həyata keçirən Marqarita Simonyanı Ermənistanın daxili məsələlərinə müdaxilə etməkdə ittiham edib.
O qeyd edib ki, “yan” sonluqlu erməni soyadını nəzərə almasaq, Marqaritanın Ermənistanla heç bir bağlılığı yoxdur.
Spikerin fikrincə, M.Simonyan daim yalan xəbərlər yayır, Ermənistan rəhbərliyini alçaldır. M.Simonyan mitinqlərə və hakimiyyəti devirməyə çağırışlar edərək dövlətə qarşı hibrid müharibəyə qoşulur.
A.Simonyan qarşıdakı Ermənistan seçkilərinə işarə edərək, xaricdən belə hücumların daha da artacağını bildirib.
