Türkiyənin tanınmış aktyoru Cihan Ünalın 48 yaşlı qızı, aktrisa İrmak Ünal, on aydır süd vəzi xərçəngi diaqnozu ilə mübarizə apardığını sosial mediada şəxsi paylaşımı ilə açıqlayıb. Aktrisa yeni ilin ilk günündə bu ağır diaqnozun qoyulduğunu və bu müddətin onun üçün həm sınaq, həm də həyatını dəyişdirən bir təcrübə olduğunu vurğulayıb.
İrmak Ünal müsbət yanaşaraq bildirib: “Süd vəzi xərçəngi çətin olsa da, erkən aşkar etmək həyatı qurtarır. Mənə həm elm, həm də duyğularla dəstək olan həkimlərimə böyük təşəkkür edirəm.” O, müalicə prosesində həm tibbi üsullardan, həm də mənəvi dəstək metodlarından istifadə etdiyini və bu mübarizəni özü üçün bir növ sənət kimi dəyərləndirdiyini qeyd edib.
Hazırda İrmak Ünal iki övladı ilə birlikdə İndoneziyanın Bali adasında yaşayır və müalicəsini orada davam etdirir. Sevənləri onun üçün dualarını əsirgəmirlər.
