Aktor artan borclar səbəbindən əmlakını satır
Hindustan Times-ın məlumatına görə, Hollivud ulduzu Uill Smit maliyyə baxımından çətin vəziyyətə düşüb və şəxsi xərclərini ödəmək üçün əmlakını satmağa məcbur olub.
2022-ci ildəki “Oskar” qalmaqalından sonra aktyorun reputasiyası və gəlirləri ciddi zərbə aldı. Rol təklifləri azaldı, karyerası isə durğunluğa uğradı. Eyni zamanda, Smit faktiki olaraq ayrılıqda yaşayan həyat yoldaşı Ceyda Pinkett-Smitin dəbdəbəli həyat tərzinin maliyyə yükünü də təkbaşına daşıyır. Onların ayrı yaşadığı təsdiqlənsə də, mənbələr bildirir ki, ailənin əsas maliyyə məsuliyyəti Uillin üzərindədir.
Bu vəziyyət aktyorun vəziyyətini daha da ağırlaşdırır, xüsusilə də uğursuz layihələri nəzərə alındıqda. Onun 2025-ci ildə Big Sean, Teyana Taylor və oğlu Ceydenlə birlikdə çıxardığı “Based on a True Story” adlı musiqi albomu Böyük Britaniyada cəmi 300 nüsxə satılıb.
Borclarını ödəmək üçün aktyor artıq Merilenddəki beş otaqlı evini 795 min dollara satıb və Vudlend-Hillsdəki əmlakını 2 milyon dollara satışa çıxarıb. Mənbələr bu addımları “strateji” adlandırsalar da, vurğulayırlar ki, vəziyyət gecikməyə imkan vermir.
Halbuki Uill Smit hələ rəsmi olaraq iflas elan etməyib. Amma əgər Ceyda ilə boşanma baş tutsa, bu, əmlak bölgüsü məsələsində əlavə problemlər yarada bilər.
Qeyd edək ki, daha əvvəl Ceyda Pinkett-Smit yeni bir münasibətə başladığına dair eyham vurmuşdu.
