2026-cı il Bakı Şəhər Halqasında keçiriləcək “Formula 1” Azərbaycan Qran-prisi üçün “Early Bird” bilet satışına start verilib. 24-26 sentyabr tarixlərində baş tutacaq 10-cu yubiley yarışına biletləri www.azerbaijangp.com saytından və Bakı Şəhər Halqası mobil tətbiqindən əldə etmək olar. 15 dekabrə qədər eksklüziv 20% endirim tətbiq olunur.
4 günlük bilet alan azarkeşlər tribuna yerləri ilə yanaşı Pit zolağı gəzintisi imkanı qazanacaq, sevimli komanda qarajlarını və pilotları yaxından görəcəklər. 2025-ci ildə 90 min tamaşaçı cəlb edən yarış son 9 ilın rekordunu qırmışdır. Qlobal maraq artıq biletlərin tez tükənməsinə səbəb olur.
Bakı Şəhər Halqası Əməliyyat Şirkətinin baş direktoru Maqsud Fərzullayev bildirir: “İndiyədək qazanılan uğurlarımızı və sürətlə yüksələn əcnəbi azarkeş marağını nəzərə alaraq, bu erkən satış imkanını təqdim etməkdən məmnunuq. Bu təşəbbüs həm yerli, həm də xarici avtosport həvəskarlarının mövsümün ən çox gözlənilən idman tədbirlərindən biri üçün biletlərini erkən əldə etmələrinə şərait yaradır. Bu həm də Bakı yarışında təqdim olunan yüksək səviyyəli xidmətin və unudulmaz yarış təcrübəsinin bariz göstəricisidir”.
