Mobil operator “Nar” Beynəlxalq Əlilliyi Olan Şəxslər Günü – 3 dekabr münasibətilə inklüziv cəmiyyət qurulmasına dəstəyini sürdürür. 2025-ci ildə 10-a yaxın sosial təşəbbüs çərçivəsində 500-dən çox şəxs müxtəlif təlimlərə, sosial məşğələlərə, incəsənət və intellektual fəaliyyətlərə cəlb olunub. Bu layihələr fiziki və psixoloji rifahı artırmağa, sosial əlaqələri gücləndirməyə yönəlib.
“Nar” abunəçiləri üçün inklüziv mühit yaratmaq məqsədilə ön ofis əməkdaşlarına jest dili təlimləri keçirib, eşitmə məhdudiyyətli şəxslərə xidməti asanlaşdırıb. Ölkədə ilk jest dili mobil tətbiqi və nitq məhdudiyyəti olanlar üçün intellektual oyun formatını ərsəyə gətirməklə texnoloji inklüzivliyi təmin edib. Bu təşəbbüslər qruplar arası ünsiyyəti gücləndirir və məlumatlılığı artırır.
Beynəlxalq Əlillər Günü qeydində DanceAbility Azərbaycanla birgə hazırlanan maarifləndirici video çarxı günlük həyatda düzgün yanaşmaları nümayiş etdirir. Çarx yanlış davranışların qarşısını almağa və əlillərin cəmiyyətdə aktiv iştirakına diqqət çəkir. Hazırda 2,2 milyon abunəçiyə xidmət göstərən “Nar” son 6 ildə Müştəri Loyallığı İndeksi lideridir.
