İndoneziyanın Sumatra adasında baş verən daşqınlar və torpaq sürüşmələri nəticəsində iqtisadi itkilərin miqdarı təxminən 68,67 trilyon İndoneziya rupisi (4,1 milyard dollar) təşkil edəcəyi gözlənilir ki, bu da ölkənin ümumi daxili məhsulunun (ÜDM) təxminən 0,29%-ni əhatə edir.
“The Jakarta Post” qəzeti İndoneziyanın İqtisadi və Hüquqi Tədqiqatlar Mərkəzinə istinadən xəbər verir ki, təbii fəlakətin əsas səbəbi bölgədə artıq bir həftədən çox davam edən intensiv leysan yağışlarıdır. Bu yağışların yaratdığı sel axınları yaşayış binalarına, yollar və digər infrastruktur obyektlərinə ciddi ziyan vurub. Xilasedicilərin zərər görmüş ərazilərə çıxışı çətinləşib və bu fəlakətin ağır nəticələri ilə bağlı məlumatlar artmaqdadır.
Təbii fəlakət nəticəsində 800-dən çox insan həlak olub. Sel və torpaq sürüşmələri ilə əlaqədar vəziyyət hələ də nəzarətdədir və xilasedici tədbirlər davam etdirilir. İqtisadi zərərin dərhal aradan qaldırılması üçün geniş bərpa işləri planlaşdırılır.
