İngiltərənin “Liverpul” klubu, Çempionlar Liqasının ümumi mərhələsini lider kimi tamamlayaraq turnirdə ən çox qazanan komanda oldu. Klub indiyə qədər 56.2 milyon avro gəlir əldə edib. İspaniyanın “Barselona” klubu isə 54.5 milyon avro qazanc əldə edərək ikinci sırada qərarlaşıb. Kataloniya klubu turnirin ümumi mərhələsini ikinci pillədə başa vurdu.
“Real Madrid” isə ümumi mərhələni 11-ci yerdə tamamlayaraq 37.27 milyon avro gəlir əldə edib. Bununla belə, Madrid klubu 1/8 finala vəsiqə qazandığı halda əlavə 11 milyon avro əldə edəcək.
Çempionlar Liqasında ən çox qazanan klublar:
- Liverpul – 56.2 milyon avro
- Barselona – 54.5 milyon avro
- Real Madrid – 37.27 milyon avro (+11 milyon avro qazanmaq şansı)
