Almaniyanın keçmiş kansleri Angela Merkel ABŞ-ın yeni seçilmiş prezidenti Donald Trampla danışıqlarda siyasətçilərə öz tövsiyələrini verib. Merkelin fikirlərinə görə, Trampla ünsiyyətdə olmaq üçün səmimilik mühüm əhəmiyyət daşıyır və onun arqumentlərini diqqətlə dinləmək lazımdır.
Merkel “The Times” qəzetinə verdiyi müsahibədə siyasətçilərə Trampla danışıqlarda nə çox sərt, nə də çox mehriban davranmamağı məsləhət görüb. Onun sözlərinə görə, ən yaxşı yanaşma təbii və olduğu kimi davranmaqdır: “Trampla danışıq zamanı vəziyyətdən ən yaxşı şəkildə istifadə etmək lazımdır. Əsas məqam isə qorxmamaqdır”.
Merkel, həmçinin, siyasətçilərin dialoq zamanı özlərini müdafiə etmədən, qarşı tərəfi başa düşməyə çalışaraq məsələlərə yanaşmalarını vacib hesab etdiyini vurğulayıb.
